 |
| (mp3 bisa di putar di sebelah kanan) |
Hamu Amang, Hamu Inang
Didia pe nuaeng hamu marhuta
Sian habinsaran sahat tu hasuddutan
Tongtong ma hita marsitangiangan….
Hamu dongan naposoi
Burju jala pantun hamu mardongan
Asa ulahon ma sude angka nadenggan
Asa dapotmu angka parsaulian
Reff:
Sada ma hita sahata saoloan
Marsiurupan di angka na humurang
Tarlobi ma parbahul-bahul nabolon
Denggan ma hita marsipaleanan
Urupi dongan napogos
Togu dongan na gale
Apuli dongan na marsak
Ajari na hurang malo
Marsitogu-toguan unang adong na hatinggalan
Marsitiopan tangan tu dolok dohot tu toruan
Marsiamin-aminan songon lampak ni gaol
Marsitungkol-tungkolan songon suhat di robean
Asa horas…..horas…..horas
Asa horas…..horas…..horas hita sude…
Asa horas…..horas…..horas
Asa horas…..horas…..horas hita sude…
